Afio maia ma tala mai aao I le Upega o Feso'ota'iga lenei a le Matagaluega o Feso’otaiga, Fa’amatalaga ma Feso’otaiga Vavave Faaneionapo. O le Matagaluega lenei a le Malo e na te fa'afoeina ma tulimata'i le Va'aiga Taula'i a le Atunu'u i le atina'e o Feso'ota'iga.
O le sini autu a le Matagaluega, o le “avea ma Ta’imua I Faiga Faavae, Pulega Faatonutonu ma le tuuina atu o Faamatalaga e fesootai uma ai itu e fia o Samoa.”
O lo o feagai nei le Matagaluega ma ni galuega tetele e faatupu fiafia. E le o malolo le vaega o faiga faavae e Iloilo, fautuaina le Minisita ma le Kapeneta, ma fausia pea faiga faavae e talafeagai ma le saoasaoa o suiga i fesootaiga faa-va-o-malo i lenei vaitaimi.
O lo o faapea foi ona galulue malosi foi le vaega o Polokalame a le ICT, ina ia mautinoa le maua uma e Samoa o fesootaiga e faaaoga ai fesootaiga vavave faaneionapo.
O le Leitio a le Atunuu, le Siufofoga o Samoa, le 2AP i Mulinuu, o lo o le mapu foi i le logologo puialii o le mamalu o le atunuu, ma e uma o aumau I Samoa I faalavelave faafuasei, aemaise o le tele o polokalame e atinae ai aga- feso'ota'i ma le tamaoaiga o le atunuu.
E iai le faamoemoe maualuga o lou asiasi mai I lenei Upega o Feso'ota'iga ua aoga tele mo Oe, ma e matou te talia ma talisapaia so o sou finagalo i ni vaega e faaleleia atili ai la matou auaunaga.
Matagaluega o Feso’ota’iga, Faamatalaga ma Feso’ota’iga Vavave Faaneionapo